“වන රෝපා” ජාතික රුක් රෝපණ වැඩසටහනට සමගාමීව පැළ 4000 ක් සිටුවීමේ වැඩසටහන - දෙල්තොට ග්‍රේට් වැලි බටහිර කොටස තුළ

අතිගරු ජනාධිපති මෛත්‍රීපාල සිරිසේන මැතිතුමාගේ සංකල්පයක් මත මහවැලි සංවර්ධන හා පරිසර අමාත්‍යාංශයේ "වන රෝපා" වැඩසටහනට සමගාමීව භූ විද්‍යා සමීක්ෂණ හා පතල් කාර්යාංශය සංවිධානය කරන ලද පැළ 4000ක් සිටුවීමේ වැඩසටහන මහවැලි සංවර්ධන හා පරිසර නියෝජ්‍ය අමාත්‍ය අනුරාධා ජයරත්න මහතාගේ ප්‍රධානත්වයෙන් නොවැම්බර් මස 28 වැනි දින මහනුවර දෙල්තොට ග්‍රේට්වැලි බටහිර කොටසේ දී පැවැත්විණ.

කොළඹ ගංගාරාම විහාරස්ථානයට අයත් ශ්‍රී ජිනරතන අධ්‍යාපන පාලක සභාවේ කෘෂිකාර්මික ගොවිපළක් පවත්වාගෙන යනු ලබන ග්‍රේට් වැලි බටහිර කොටසේ අක්කර හතරක බිම් ප්‍රමාණයක් මෙම වන වගා ව්‍යපෘතිය සඳහා ලබා දී ඇත.

තව ද එදිනට සමගාමීව නිකුත් වූ දිනමිණ පුවත් අතිරේකයේ වාර්තා කිහිපයක් පහතින්,

නායකත්ව පුහුණු වැඩමුළුව - 2016

සභාපතිතුමාගේ සංකල්පයක් මත කළමනාකාරීතවයේ උපදෙස් පරිදි කාර්යාංශයේ සුභසාධක සංගමයේ සංවිධාන ශක්තියෙන් යුතුව 2016.11.12 හා 13 දෙදින පුරා නායකත්ව පුහුණු වැඩමුළුවක් MAS Fabric Park හීදී ඉතා සාර්ථකව පැවැත්විණි. 

ප්‍රවීන පුහුණු උපදේශක ආචාර්ය. සමන් වීරවංශ මහතා විසින් මෙම වැඩමුළුව මෙහෙයවනු ලැබූ අතර මෙම වැඩමුළුව සඳහා ප්‍රධාන කාර්යාලයේ සහ ප්‍රාදේශීය කාර්යාල වල සේවක මහත්ම මහත්මීන් 225 ක් පමණ සහභාගී විය. 

"Emotional Intelligence for Sustainable Leadership" තේමාව කරගත් මෙම වැඩසටහන දේශන හා ප්‍රායෝගික ක්‍රියාකාරකම් රැසකින් සමන්විත වූ අතර තම රැකියා ජීවිතය වඩා අර්ථවත් කර ගැනීමට මෙම වැඩසටහනෙහි හරය ඉවහල් වන බව වැඩසටහනට සහභාගී වු සියළුම සේවක මහත්ම මහත්මීන්ගේ අදහස විය. 

එම අවස්ථාවේ ඡායාරූප කිහිපයක් පහතින් ,